دەربارەی شاهان
کومپانیەکا ئارمانجدارە داهاتییێ بیناسازی و گەشەپێدانێ ل عێراقێ دادڕێژیت.
دیرۆکا مە
مێژوویا دەولەمەند یا کۆمپانییا شاهان ڤەدگەڕیت بۆ سالا ٢٠١٢ێ، دەما مە، چەند برایان، بڕیار دای وەلاتێ خۆ د چەندین کەرتێن جودا یێن ژیانێ دا پێشبێخین و پشکدار بین د گەشەپێدانا خۆشگوزەرانی و ئابوورێ گەلێ خۆ دا.
هەر ژ دەسپێکێ، ئارمانجا مە ئەوبوو کو تیمەکێ ژ گەنجێن خودان بەهرە ل ژێر سەرپەرشتیا شارەزایان ئاڤا بکەین، کو ب دیتنەکا جێواز گەشەپێدانێ بکەن. ژ دەمێ دەسپێکرنا مە و د گەل هەبوونا هەڤرکییێ، خێزانا شاهان ب ناڤودەنگی و ئێکدەنگییا خۆ شیان دیتنا خۆ بیننە د ناڤ ژیانا شارستانی و مودێرن و ئاڤەدانیێدا.
ئەوان شاڕەزاییا پیشەگەرێن ئەکادیمی بکارئینایە دگەل ئاستێ بلند یێ هێزا ئەو گەنجێن دڤێت ژیانەکا باشتر بۆ خۆ و گەلێ خۆ بنیاتبکەن. و بڕێکا پابەندبوون و پشتگیرییا بەردەوام بۆ ستافی، شیان ب سەدان کارمەندێن دلسۆز کۆمبکەن کۆ پاڵدەرن دا گهۆڕینان د گەلەک پڕۆژێن سەرکەفتیدا دروستبکەن.
گەشتا کۆمپانییا شاهان ژ باژێڕێ مە یێ ڕەنگین، دهۆکێ، دەسپێکر؛ ل وێرێ مە د بوارێن بازرگانی، گوزاری، وەبەرهێنان و ئاڤەدانکرنێ دا کارکر. پاشان مە بزاڤا بەرفرهکرنا سەرکەفتنێن خۆ دا بەر ب هەولێرێ، ب ئارمانجا دەستپێکرنا وەرزەکێ نوی د گەشت و مێژوویا مە دا، دا پشکداریەکا کارا د پێشئێخستنا هەرێما کوردستانێدا بکەین و ب جیهانێ بدەینە نیاسین. ب رێکا باوەری، بەردەوامی، شارەزایی و چارەسەریێن نویخواز، ئەم پەیمانێ ددەین کو کارتێکرنەکا باش و بەردەوام ل دویڤ خۆ بهێلین.
ئەم کینە؟
ب دروستکرنا تیمەکا پیشەکار د بوارێن جیاواز دا ئەم شیاینە پڕۆژێن سەرکەفتی ب دوماهیک بینین کو د دەمێ خۆدا گەهشتینە. مە سەرکردایەتییا کومپانییا شاهان یا کری دا ببیتە ئێک ژ بناڤودەنگترین دروستکەرێن ماڵان ل هەرێما کوردستانا عێراقێ. ئەم گرنگییێ ب باوەری و وەفاداری و پشتەڤانییا بەردەوام یا کڕیارێن خۆ ددەین. ڕوونی و پەیوەندییێن مە یێن ڤەکری گرەنتییا هندێ ددەن کو کڕیارێن مە د هەمی قوناغاندا بەشێ گرنگن و د ئاگەهدارن لسەر هەمی پێنگاڤا.
وەک بەشەک ژ پێگیربوون ب بەردەوامییێ، مە ڕێبازەکا ژینگەهـدوست گرتییەبەر د هەمی لایەنێن کارێ مە دا، ژ کەرەستێن ئەم بکاردئینین هەتا شێوازێ پاراستنا جهێ مە.
وەک کۆمپانییەکا ئارمانجدار، ئەم بڕیار و ڕەفتارێن خۆ لسەر بنەمایێن بها بلند دادڕێژین. پلانا مە یا کارکرنێ ب تایبەتی بۆ دەمێ درێژخایەن هاتییە داڕێژتن. دگەل ڤێ چەندێ مە دیتنەکا ڕوون بۆ داهاتی هەیە، کو ب ئارمانج و ب ڕوونی پێشکەفتنا مە بڕێڤەدبەت.
ل شاهان، ئەم بەردەوام ل شێوازێن نوی و داهێنەرانە دگەڕین بۆ بلندکرنا خزمەتگوزارییێن بازرگانی و بجهئینانا پێدڤییێن د گەشەکرنێدا یێن کۆمەڵگەها مە. ب جەختکرنێ لسەر گەشەکرن و گەشەپێدانێ، مە بڕیار یا دای بەردەوامبین د دروستکرنا کاریگەرییەکا بەردەوام لسەر ئەو کۆمەڵگەهـ و باژێرێن کار تێدا دکەین. بۆ داڕشتنا داهاتی و بەشداریکرن د گەشەسەندنا عێراقێدا، شاهان یا پابەندە ب دابینکرنا پڕۆژێن نایاب کو ژ چاڤەڕێکرنا کڕیارێن مە بلندترە. ب ڕێکا خزمەتگوزارییێن مە یێن بازرگانی و ماڵێن مە یێن کواڵتی بلند، ئەم کاردکەین بۆ تێگەهشتن و دلخۆشکرنا هەر کڕیارەکێ مە ب تەکەزکرن لسەر کومکرن، شیکارکرن و بەرسڤدانا زانیارییێن کڕیاری بۆ باشتربوونێ، کو ڕاپرسییێن سەربەخۆ یێن کڕیاران و هەڵسەنگاندنێن دەرەکی بخۆڤە دگریت. ئەم لێکۆلینێ دکەین بۆ تێگەهیشتن ژ داخوازی و حەزێن کڕیاران د هەر خاڵەکا گەشتا وان دا و خزمەتگوزاری و خانى و جهێن خۆ ل دویڤ وێ دگهۆرین. ئەم بەردەوام خزمەتگوزاریێن خۆ یێن دیجیتاڵی پێش دێخین ل دویڤ تەکنەلۆژیایێن نوی و میدیا و حەزێن کڕیاران، مینا گەشتێن ڤێرچواڵ یێن تایبەت و نویکاریێن ڤیدیویی.
ئەم چ ئەنجام ددەین؟
پلانا مە یا ستراتیجی ڕێنمایێن ژینگەهی و سڵامەتییێ بخۆڤەدگریت.
ئارمانجێن زانستی د دانین بۆ کێمکرنا دەردانا گازێن ژەهراوی و پابەندین ب زێدەکرنا جۆراوجۆرییا زیندەوەران.
ستانداردێن بلند بۆ تیمێن د ناڤ جهێن خۆدا د دانین کو نوینەراتییا کارێن مە دکەن و جێبەجێ دکەن.
کەسێن هاندای و خودان شیان بۆ هەر بەشەکێ کومپانییا خۆ دادمەزرینین.
ب ئاشکەرایی چاڤدێرییا کاریگەرییێن خۆ دکەین و ڕاپورت دکەین ب نیشاندەرێن ژینگەهی، ژ وان ژی دەردانا کاربۆنی و بکارئینانا ئاڤێ و دووبارە بکارئینانا پاشمایان و کارەساتێن سروشتی.
سەرپەرشتی و پێداچوونێ ل چاڵاکیێن خۆ دکەین بۆ پشتڕاستبوون ژ جیبەجێکرنا ستانداردێن مە یێن بڕێڤەبرنا ژینگەهێ چونکی پێداچوونا دەرەکی ژی دهێتە ئەنجامدان.
بەردەوامی
بڕێڤەبرنا ژینگەهێ ئێکە ژ ئارمانجێن مە یێن سەرەکی، ب مەبەستا سنووردارکرنا کاریگەرییێن نەرێنی و بەشداریکرن د دابینکرنا ژێدەرێن وزەیێ یێن بەردەوامتر. ئەم ژ یا پێدڤی پتر د هوشیارین د کەسککرنا پرۆژێن خۆدا، ب ڕێکا چاندنێ د ئەردێن بەرفرەهـدا و دابینکرنا ژێدەرێن وزەیێن مۆدێرن؛ بۆ کێمکرنا پیسبوونێ و پەیڕەوکرنا ستانداردێن جیهانی.
دەستپێشخەریێن مە یێن کەسک ببینەئارمانجا مە
دید و پەیاما مە
ئارمانجا مە دروستکرنا ژینگەهەکا کاری یا هێمن و جۆراوجۆر و گشتگیرە بۆ تیمێن مە، کو کەلتوور و پاشخانێن جیاواز بخۆڤەبگریت. ئەم د وێ باوەرێداینە ژینگەها هەمەجۆر و گشتگیر شیانێن مە بۆ بدەستڤەئینانا بەهرەیان و پاراستن و هاندان و گەشەپێدانا وان باشتر دکەت. ئارمانجا مە پشتەڤانییا گەنجان و دروستکرنا تیمەکێ بسپۆرانەیە، بۆ گەهاندنا بلندترین کوالێتیا خزمەتگوزارییا بیناسازی ب کڕیارێن مە.
بەهایێن مە
دەستپاکی
ئەم ب ڕێکا شەفافیەت و ڕوونیێ باوەریێ دروستدکەین.
ڤیانا کاری
شانازییێ ب کارێن خۆ و کاریگەرییا وان لسەر کۆمەڵگەهێ دبەین.
داهێنان
هزر و چارەسەرییێن داهێنەرانە بۆ پڕۆژێن خۆ دبینین.
رێزگرتن
ب هەڤبەشی کاردکەین دگەل تاکێن جوداجودا کو ڕيز و بهایێن مە د هەڤبەشن.
نایابی
گرنگییێ ب هویرکارییان ددەین داکو بگەهینە ئەنجامێن نایاب و بێوێنە.
ئەم چ فێر دبین
فێردبین کو کەرتێ بیناسازی کاریگەرییێن ژینگەهی هەنە کو پێدڤییە بهێنە بڕێڤەبرن ژ قوناغێن دەستپێکی یێن دیزاینکرنا پلان و هەلبژارتنا کەرەستان و هەتا بیناسازی و چاندنا مەودایێن کەسک.
فێری کردارێن ژینگەهی دبین لدویڤ زنجیرا پێدڤیێن خۆ، و دزانین چ کومپانیا باشترە کار دگەل بکەین بۆ هندێ دا داخوازییێن پێشەسازی پڕبکەین بۆ بدەستڤەئینانا کاریگەرییەکا ئەرێنی.
ئەم مەترسی و دەرفەتێن ژینگەهی تێگەهشتینە، لەوڕا، ئەم ڕادبین ب بکارئینانا کەرەستێن بەردەوام و تەکنەلوجییایێ د پڕۆژێن خۆدا، ب مەبەستا گونجاندن دگەڵ پرسێن جیهانی یێن گهۆڕینا کەشوهەوای و کێمبوونا ئاڤێ کو بوویە ڕێگرەکا مەزن بۆ بەرهەمدارییێ ل جهێن بیناسازی ل عێراقێ و لسەر ئاستێ نیڤدەولەتی.
چەوا پشکداریێ دکەین
١-هەر جهەکێ بیناسازی لدویڤ پلانا ڤەکولینان هەلدبژێرین و ب شێوەیەکێ بەردەوام ڕێبازێن خۆ یێن پاراستنا ژینگەهێ ب ڕێیا وردبینییا دەرەکی هەڵدسەنگینین بۆ سڵامەتییا ژینگەهـ و کۆمەڵگەهێن دەوروبەرێن کارێ مە.
٢-ب هەڤبەشی پەیوەندیێ دگەل وان سازیێن دی دروستدکەین یێن دەستپێشخەرییێ دکەن د پاراستنا سروشتیدا و کاریگەرییێن ئەرێنی لسەر کەرتێ ژینگەهێ دکەن.
٣- ب شێوەیەکێ چاڵاک پشتەڤانییا ڕاوێژکارییان دکەین و بەشداریێ تێدا دکەین، و ڤەکولینان د چاڵاکی و پڕۆژێن داهێنەرانەدا دکەین و کەلتورێ هاریکارییێ دادمەزرینین.
بەشداربە دگەل مە د ئاڤاکرنا داهاتیدا
دەلیڤێن کاری ل شاهان ببینە و ببە بەشەک د گەشتا مەدا بۆ گهۆڕینا دیمەنێ بیناسازییێ ل عێراقێ.